2006- cı ilin yanvar-iyul aylarının yekunlarına görə, Azərbaycanda orta aylıq əmək haqqının həcmi 136,1 AZN təşkil edib, bu isə ötən ilin analoji dövründəki həcmdən 20% çoxlur. Bu barədə Azərbaycan Dövlət Statistika Komitəsindən xəbər veriblər. Ən yüksək əmək haqqı hasilat sənayesində, maliyyə fəaliyyəti, daşınmaz əmlakla əməliyyatlar, icarə və istehlak sahəsində xidmətin göstərilməsi sahəsində, həmçinin tikinti sektorunda işləyənlərdə qeydə alınıb.
7 ay ərzində orta aylıq əmək haqqı adambaşına düşən orta aylıq gəlirdən 39,3% çox olub. Onların məbləği ötən ilin analoji dövrü ilə müqayisədə 18,8% artaraq, 97,7 manat təşkil edib.
Avqustun 1-də əhalinin adambaşına düşən nominal gəlir 683,7 AZN təşkil edib, bu isə 2005-ci ilin 7 ayı üzrə göstəricidən 18,8 % çoxdur. Adambaşına düşən real gəlir 19,1 % artaraq, 603 AZN təşkil edib.
Yanvar-iyul ayları ərzində Azərbaycan əhalisinin nominal gəliri 5704,1 mln. AZN təşkil edib və bu, 2005-ci ilin yanvar-iyul ayının göstəricilərindən 20,1% çoxdur. Bu dövr ərzində əhalinin real gəlirləri 20,4% artaraq, 5030,9 mln. AZN -ə çatıb. Yanvar-iyul ayı ərzində əhali mal və xidmətlərin əldə olunmasına şəxsi gəlirlərinin 70,2%-ni, vergi, sosial sığorta və məcburi üzvlük haqlarına -11,8%-ni, kapitalın yığılması və artırılmasına 18%-ni yönəldib.
Yanvar- iyul ayları ərzində əhalinin xərcləri gəlirdən 1027,7 mln. AZN az olaraq, 4676,4 mln. AZN təşkil edib və bu, ötən ilin analoji dövrünün xərclərindən 21,1% (3861,1 mln. AZN) çoxdur.
