Azərbaycanın İnvestisiyaların və İxracın Təşviqi Fondu (AZPROMO) idarə heyətinin strukturunda dəyişikliklər baş verib. AZPROMO-nun prezidenti Emil Məcidovun Trend ə verdiyi xəbərə görə, fondun idarə heyətinin səlahiyyətləri İnvestment Promotion və Export Promotion-un iki direktoratı arasında maksimal şəkildə bölünəcək və onlar fəaliyyət azadlığına malik olacaq.
"Biz çevik statusa malik olduğumuzdan, bunu edə bilərik. İxracat və investisiya departamentlərinin hər biri özləri üçün iş planı yazacaq və rəhbərliklə razılaşdırdıqdan sonra bu plan təsdiq olunmaq üçün fondun Qəyyumlar Şurasına təqdim ediləcək. İşin mahiyyəti bundan ibarətdir ki, əməkdaşların treninqlərinə nə qədər çox pul qoyulsa, bir o qədər yaxşıdır", - deyə E.Məcidov qeyd edib.
Bundan başqa, onun sözlərinə görə, AZPROMO-nun hüquqi cəhətdən fondda işləməyən iki əməkdaşı tərəfindən ayrıca şirkət yaradılıb. Onlar AZPROMO-nun Ivents & Publicatoins ltd şirkətinin əsasını qoyub və bu şirkət konfransların, forumların, nəşrlərin təşkili ilə məşğul olur. Şirkət kommersiya prinsipləri ilə və AZPROMO-nun sifarişi əsasında fəaliyyət göstərir. Həm də şirkət AZPROMO-ya qarşı inhisar hüququna malik deyil və digər sifarişləri də qəbul edə bilər.