Almaniya Yenidənqurma Bankı - KFW-nin maliyyə layihələri üzrə missiyasının Azərbaycana səfəri sentyabrın sonuna planlaşdırılıb. KFW-nin Bakı ofisinin başçısı Natiq Abdullayevin Trend ə verdiyi xəbərə görə, bankın nümayəndə heyəti ölkəmizə Almaniya-Azərbaycan Fondunun (AAF) fəaliyyətinin illik monitorinqini həyata keçirmək üçün gələcək.
Bankın nümayəndəsi həmçinin səhmlərinin 24,96 -i ($1,710 mln.) KFW-ə məxsus olan Azərbaycan Mikromaliyyələşdirmə Bankının (AMMB) səhmdarlarının toplantısında iştirak edəcək. Toplantının da sentyabrın sonuncu həftəsində Bakıda keçirilməsi gözlənilir.
Rotasiyaya əsasən, AMMB-in Müşahidəçilər Şurasının sədri KFW bankirlərindən olan Mark Şvidtedir, lakin bankda kadr dəyişikliyi aparıldığından nümayəndə heyətinin tərkibində o, başqası ilə əvəz oluna bilər , - deyə N. Abdullayev qeyd edib.
KFW missiyasının səfəri zamanı Azərbaycanda kiçik və orta sahibkarlığın inkişafı üçün AAF-a 20 mln. evro dəyərində üçüncü tranşın ayrılması məsələsinin müzakirəsi gözlənilir. Hökumətdə kreditdən imtina imkanlarına baxılsa da, hələ bu barədə KFW rəsmi olaraq məlumatlandırılmayıb. Bununla əlaqədar olaraq AAF-ın gələcək fəaliyyəti nəzərdən keçiriləcək.
1999-cu ildən bəri alman bankı AAF-a iki tranşla 8,7 mln. evro ayırıb. Onların mənimsənilməsi başa çatıb və hazırda bankların maliyyələşdirilməsi revolvyer hesabdan həyata keçirilir.
2001-ci ilin mart ayından bəri AAF-ın tərəfdaşları Bank of Baku və UniBank, 2003-cü ilin yanvarından Parabank və bank "Respublika", 2004-cü ilin sentyabrından isə Azərdəmiryolbank və Azəriqazbank olub.
