"Aqrar sahənin tənzimlənməsi haqqında" qanun layihəsi artıq hazırdır. Bu barədə Trend ə Milli Məclisin aqrar siyasət məsələləri daimi komissiyasından bildiriblər.
Onu da qeyd ediblər ki, adıçəkilən sənəd Milli Məclisin payız sessiyasında millət vəkillərinin müzakirəsinə veriləcək. O da vurğulanıb ki, aqrar siyasət məsələləri daimi komissiyası parlamentin payız sessiyasında müzakirəyə çıxarmaq üçün bir sıra qanun layihələri üzərində işini başa çatdırıb. Aqrar sahəni əhatə edən bəzi qanunvericilik aktlarına isə əlavə və dəyişikliklər nəzərdə tutulub.
Xatırladaq ki, adıçəkilən komissiya tərəfindən 42 qanun qəbul edilib, 50-yə yaxın qanuna isə əlavə və dəyişiklik olunub.