Azərbaycan "Korrupsiya və cinayətkar yolla əldə edilmiş pulların yuyulması ilə mübarizədə ali maliyyə nəzarət orqanlarının rolu haqqında" beynəlxalq konfransda iştirak etmək niyyətindədir. Azərbaycan Hesablama Palatasından Trend ə verilən məlumata görə, tədbir oktyabrın əvvəlində Bişkəkdə keçiriləcək.
Hazırda HP mütəxəssisinin konfransda iştirakı ilə bağlı məsələ müəyyənləşdirilir.
Konfransda MDB və müxtəlif Asiya ölkələrinin nümayəndələri iştirak edəcək.
MDB-yə üzv dövlətlərin AMNO rəhbərləri Şurası 2000-ci ildə dövlət maliyyə nəzarəti və iş təcrübəsi mübadiləsi sahəsində qarşılıqlı əlaqələrin möhkəmləndirilməsi və fəaliyyətin əlaqələndirilməsi məqsədilə yaradılıb.
