"Azərikard" prosessinq mərkəzi Azərbaycan Banklar Assosiasiyasının (ABA) üzvlüyünə qəbul olunub. ABA-nın icraçı direktoru Fərhad Əliyevin Trend ə verdiyi xəbərə görə, bu qərar assosiasiyanın idarə heyətinin sentyabrın 20-də keçirilən toplantısında qəbul olunub.
İndiyədək Banklar Assosiasiyasının 47 üzvü olub - 44 bank, həmçinin "Aqrar-kredit" qeyri-bank kredit təşkilatı, Bakı banklararası valyuta birjası və Parex Bankın Bakı nümayəndəliyi. Beləliklə, "Azərikard" ABA-nın 48-ci üzvü oldu.
