2007-ci ildə ölkənin dövlət büdcəsindən Agrolizing ASC üçün təxminən 60 mln. manat ayrılacaq. Trend xəbər verir ki, bu barədə bu gün jurnalistlərə kənd təsərrüfatı naziri İsmət Abbasov məlumat verib.
Onun sözlərinə görə, bu məbləğdən təxminən 50 mln. manat kənd təsərrüfatı texnikasının alınması, qalan 10 mln. manat gübrənin alınması üçün nəzərdə tutulub.
Agrolizing ASC 23 oktyabr 2004-cü ildə Azərbaycan prezidenti İlham Əliyevin sərəncamına əsasən yaradılıb. Müəssisənin fəaliyyəti müxtəlif kənd təsərrüfatı texnikasının əldə olunması və lizinq yolu ilə yerli torpaq sahiblərinə verilməsi ilə ölkədə aqrar sahənin yaxşılaşdırılmasına və sahibkarlığın dəstəklənməsinə yönəldilib. Hazırda ASC-nin Azərbaycan bölgələrində 50 aqrotexservisi və filialı var.
2005-ci ildə Azərbaycan höküməti tərəfindən texnika və gübrənin alınması üçün ASC-yə 100 mlrd. manat (köhnə) vəsait ayrılıb.
