Azərbaycan Dövlət Neft Fondu 2006-cı ilin sonunadək Dünya Bankının xəzinəsi ilə RAMP proqramına (Reserve Assets management program) qoşulma haqqında müqavilə bağlamağa hazırlaşır. Trend in xəbər verdiyi kimi, bu barədə ARDNF-in icraçı direktoru Şahmar Mövsümov məlumat verib.
DB-nin bu geniş proqramı istənilən səviyyədə yardım göstərir və müxtəlif istiqamətlərdə mövcud çatışmazlıqları aradan qaldırmağa kömək edir.
Proqrama dünya ölkələrinin mərkəzi bankları və ixtisaslaşmış fondlar (o cümlədən neft fondları) qoşula bilər. Proqram elə sürətlə genişlənir ki, DB hətta ehtiyat çatışmazlığı ilə əlaqədar bura bir sıra mərkəzi bankları qoşmaqdan imtina edib. "ARDNF-in proqrama qoşulması böyük uğurdur", - deyə Ş.Mövsümov qeyd edib.
DB ARDNF-ə zəif tərəflər müəyyən olunduqca, fondun tələbatı üzrə texniki yardım göstərəcək. Bu qrant deyil, DB-nin göstərəcəyi birbaşa texniki yardımdır. Burada institusional inkişafdan kadr hazırlığınadək yardım göstərilməsi nəzərdə tutur.