"Deputatın statusu haqqında" qanuna əlavə və dəyişikliklər edilməlidir. Bu barədə Trend ə müxalifətyönlü Böyük Quruluş Partiyasının sədri, millət vəkili Fazil Qəzənfəroğlu bildirib.
Millət vəkili qeyd edib ki, qanunun bəzi tələbləri yerinə yetirilmir. Buna misal olaraq deputatlara xidməti silahın verilməməsi, fəaliyyət göstərmələri üçün lazımi şəraitin yaradılmaması və s. məsələləri göstərib. F.Qəzənfəroğlu onu da söyləyib ki, bu problemin həlli ilə bağlı parlamentdə digər həmkarları ilə birgə məsələ qaldırıb. Amma hələ ki, irəliləyiş yoxdur.
Bu problemlərin həllinin çox çətin olduğunu deyən millət vəkili bu istiqamətdə müəyyən addımların atılmayacağı təqdirdə vəziyyətin daha da ağırlaşacağını bildirib.
