Dekabrın 1-də MDB-nin İcraiyyə Komitəsinin rəhbəri Vladimir Ruşaylonun sədrliyi ilə Moskvada Birlik banklarının elmi-koordinasiya Şurasının keçirilməsi planlaşdırılır. Bu haqda tədbirdə iştirak edəcək Azərbaycan Banklar Assosasiyasının prezidenti Eldar İsmayılov Trend -ə məlumat verib.
E.İsmayılov qeyd edib: "Bu, bizim üçün çox vacibdir. Rusiyada Azərbaycanın bankı olan Beynəlxalq Azərbaycan Bankı-Moskva fəaliyyət göstərir. Biz Mərkəzi Asiya respublikalarının, Ukraynanın bankları ilə əlaqələr yaradırıq, Belarusiya ilə əlaqələr yoluna düşür (prezidentin Azərbaycana səfəri zamanı iqtisadi əməkdaşlıq haqqında saziş imzalanıb)".
Onun sözlərinə görə, müvafiq olaraq Azərbaycan bankları MDB-nin bankları ilə müxbir və işguzar əlaqələr qurulmalıdır.
