Bu gündən başlayaraq BP-nin Cənubi Qafqaz üzrə aparıcı iqtisadçısı Kristian Pitersen və Azərbaycan üzrə aparıcı iqtisadçısı Kristos Kostopolus yeni əməkdaşlıq strategiyası (2007-2010-cu illər) çərçivəsində əməkdaşlığın gələcək aspektlərinin müzakirə edilməsi məqsədilə Azərbaycan hökumətində görüşlərə başlayıblar.
Bu beynəlxalq təşkilatın Bakı nümayəndəliyindən Trend ə bildiriblər ki, Bankın Direktorlar Şurasında dekabrın 6-da təsdiq olunmuş yeni strategiyanın təqdimatı ilə əlaqədar müxtəlif nazirlik və idarələrdə görüşlər keçirilir.
Kristian Pitersen ölkədəki ümumi iqtisadi vəziyyətlə tanış olur.
Strategiyanın ümumi dəyəri 1,26 mlrd. dollar həcmindədir. Strategiya çərçivəsində BP-nin əsas bölmələrinin vəsaitləri hesabına layihələrin maliyyələşdirilməsi nəzərdə tutulur, bu əsas bölmələrə güzəştli kreditlər təqdim etməkdə ixtisaslaşmış Beynəlxalq İnkişaf Assosiasiyası və özəl biznesin inkişqaf etdirilməsi məqsədilə investisiya layihələri həyata keçirən Beynəlxalq Maliyyə Koporasiyası daxildir.
Hazırda BP-nin 2007-ci maliyyə ilində təsdiqi gözlənilən layihələrin hazırlığı gedir - mühasibat uçotu və auditin inkişafı, torpaq kadastrı və daşınmaz əmlak reyestrinin yaradılması.