2007-ci ildə Azərdəmiryolbank Visa və MasterCard hər iki beynəlxalq ödəniş sisteminin çip kartlarını buraxmağı planlaşdırır.
"Millikart" MMC-nin icraçı direktoru Cəlal Orucovun Trend ə verdiyi xəbərə görə, MasterCard üzrə bankın çip texnologiyasının sertifikatlaşdırılması bu həftə başa çatacaq. Müştərilərə artıq yeni kartlar paylanır. Onlar üç valyutada - manatda, dollar və avroda buraxılıb.
Digər Visa ödəniş sistemində sertifikatlaşdırma üzrə iş 90% yerinə yetirilib. "Ödəniş sistemi Azərdəmiryolbankın çip kartlarının qeydiyyat gününü təyin etməlidir. Düşünürəm ki, gələn həftənin sonunadək bank üçün icazə alınacaq", - deyə C.Orucov hesab edir. Həm də Azərdəmiryolbank "Millikart" vasitəsilə hər iki sistemin çip kartlarının ilk emitenti olacaq.
Azərdəmiryolbankın idarə heyətinin sədri Roman Əmircanovun sözlərinə görə, ilk vaxtlarda çip kartları maqnit və çip lenti ilə uyğunlaşdırılmış olacaq, belə ki, infrastrukturun yenidən təchiz edilməsi üçün vaxt tələb olunur. Hər iki sistem üzrə bu il təxminən 33 min kartın buraxılması planlaşdırılır.
