"Azərbacan özünü təmin edən ölkədir və günbəgün deyil, saatbasaat inkişaf edir. Dövlət Neft Fondunun aktivlərinin və stabilləşmə hesabı vəsaitlərinin artması Azərbaycana investor kimi çıxış etməyə imkan verəcək"-deyə Rusiyanın Azərbaycandakı Ticarət nümayəndəliyinin rəhbəri Yuri Şedrin məlumat verib. Bu barədə Trend xəbər verir.
Bununla bərabər, Rusiya investisiyalarını Azərbaycan iqtisadiyyatına yönəltmək işlərini də genişləndirmək planlaşdırılır. Azərbaycan hökumətinin "RusAla" ilə danışıqlarının uğurla nəticələnəcəyi halda Azərbaycanda alüminum zavodunun tikintisinə olan investisiyalar $1 mlrd. dollardan yuxarı olacaq.
"Rusiya filiallarının və Azərbaycandakı nümayəndəliklərin fəaliyyətinin səmərəsini artırmaq üzrə məqsədyönlü işlər aparılmalıdır. Bu gün onların sayı 400, bəlkə daha artıqdır, lakin ciddi verimləri yoxdur. Əgər "LUKoyl", "RusAl", "RAO EES", "KAMaz" AR bazarına sərbəst çıxa bilərsə, onda məsələ Azərbaycan bazarına xırda şirkətlərin çıxışına kömək etməkdir"-deyə Y. Şedrin hesab edir.
Rusiya əməkdaşlığının başqa situasiyası digər Qafqaz ölkəsi ilə - Ermənistanla bağlıdır, orada erməni iqtisadiyyatına Rusiya ekspansiyası gedir. Bu gün Rusiya üçdə bir gücü satın alıb (energetik, qazpaylayıcı şəbəkələr və s.).
RF-nin AR-də fövqəladə və səlahiyyətli səfiri Vasili İstratovun sözlərinə görə, Ermənistnada bu gün Rusiya investisiyası $800 mln. təşkil edir, lakin planda bunu $1,5 mlrd.- a kimi artırmaq nəzərdə tutulur.