2007-ci il yanvarın 1-də Azərbaycanın xarici borclarının ümumi həcmi 1,972 mlrd. dollar təşkil edib. Şənbə günü Maliyyə Nazirliyinin Trend ə bildirdiyinə görə, 2006-cı il üçün proqnozlaşdırılan ÜDM-in xarici öhdəliklərinin xüsusi çəkisi 9,9% təşkil edib. Əhalinin hər adambaşına bu borcdan 232 dollar düşür.
Ötən il ərzində dövlətin xarici borcu Sumqayıtda buxar-qaz avadanlıqlarının inşası layihəsinin həyata keçirilməsi, Ümumdünya bankının yoxsulluğun azaldılması sahəsində ilkin tranş krediti, yol, enerji layihələrinin maliyyələşdirilməsi, təyyarələrin alınması və digər layihələrlə əlaqədar 322 milyon dollara qədər artıb.
Alınmış kreditlər üzrə hesabat dövründə ödəmələr əsas borcun və faizlərin ödənilməsinə yönəldilmiş 350 milyon dollar təşkil edib. Borcun büdcə vəsaitləri hesabına ödənilməsi 26,3 milyon dollar təşkil edib. Bu məbləğin əsas hissəsi Küveytin yol layihələrinin inkişafı fondunun kreditinə əsasən Türkiyənin Eksimbankının kreditlərinin ödənilməsinə yönəldilib.