...

Azərbaycan və Qazaxıstana Bakı-Qars layihəsi çərçivəsində liman və dəniz infrastrukturunu müasirləşdirmək lazımdır

Biznes və iqtisadiyyat xəbərləri Materials 20 Fevral 2007 16:19 (UTC +04:00)

Həm Azərbaycan, həm də Qazaxıstanda Bakı-Tbilisi-Qars marşrutu üzrə dəmir yolu əlaqəsinin yaradılması üçün liman, liman kənarı, dəniz və digər infrastrukturların təkmilləşdirilməsi və yenidən qurulması lazımdır. Bu barədə Trend ə TRACECA-nın Azərbaycandakı milli katibi Akif Mustafayev məlumat verib.

Onun sözlərinə görə, bütün bu layihələrin həyata keçirilməsi Qazaxıstan və Azərbaycan üçün dividendlər gətirəcək. Azərbaycandan keçən Gürcüstan və Türkiyəni Çinlə birləşdirən əlaqələndirici nəqliyyat dəhlizində Qazaxıstan çox vacib bənddir. ÇXR bu gün yükün yaranma mənbəyi olaraq Asiyanın əsas dövlətidir.

Onun qəbulu və işlənməsi üçün Aktau və Bakı limanlarında böyük işlər aparmaq lazımdır. Bununla yanaşı, dəniz nəqliyyatının təkmilləşdirilməsi lazımdır. Həmçinin daha çox vaqon qəbul edən böyük bərələrin, konteynerlərin daşınması üçün quru mal daşıyan gəmilərin alınması lazımdır.

Bu gün Azərbaycan, Gürcüstan və Qazaxıstan Çin və Qazaxıstan sərhədində Dostık stansiyasına qədər konteyner qatar marşrutunun uzadılması məsələsini nəzərdən keçirir. Yük daşınmalarında vahid tarif - bir kilometr uzunluğa 1 tona 22 sent tətbiq olunur. Bu qatar marşrutun imkanlarının nümayişi üçün keçən il istifadəyə buraxılıb. Bu, Çin və Avropadan yük göndərənlərin cəlb olunmasına səbəb olmalıdır. Gürcüstanın Poti limanından Bakı vasitəsilə Qazaxıstanın Aktau limanına və geri istiqamətdə yüklər nəql olunur.

Ekspertlər qeyd edir ki, hazırda RF-də dempinq qiymət siyasəti ilə bağlı Rusiya ərazisindən Avropadan Asiyaya və geri istiqamətdə konteyner yük axınının 3-4%-i keçir. Bu ildə təxminən 150 min konteyner təşkil edir.

Azərbaycan, Qazaxıstan və Gürcüstan TRACECA dəhlizi vasitəsilə nəql etmək üçün yük hissəsini cəlb etmək niyyətindədir.

Xəbər lenti

Xəbər lenti