"Aqrar-kredit" qeyri-bank kredit təşkilatının 2004-07-ci illər üçün nəzərdə tutulmuş inkişaf strategiyası üzrə bu il üç ləğv olunmuş dövlət bankının (Aqroprombank, Sberbank və Promtexstroybank) 1 mln. manat borcunun ödənilməsini planlaşdırıb. Bu barədə Trend xəbər verir.
"Aqrar-kredit"in idarə heyətinin sədri Məmməd Musayevin çərşənbə axşamı verdiyi xəbərə görə, bu günə qədər qaytarılmış borcun məbləği 3 mln. manat təşkil edir.
Görülmüş işlər nəticəsində hazırda 63 mln. manat həcmində borc silinib, bu isə ümumi məbləği 118 mln. manat olan borcun 60%-ni təşkil edir. Borcların "Aqrar-kredit"in xidmətinə verildiyi anda borcluların sayı 3500 idi və onların 2000-in borcları silinib.
İşğal olunmuş ərazilərdə hüquqi və fiziki şəxslərin, ləğv olunmuş kolxoz və sovxozların, özəlləşdirilmiş dövlət müəssisələrinin borcları kredit təşkilatının idarəsinə verilib.
