Üç Azərbaycan bankı hələ də AMB-nin məcmu kapitalına olan normativ tələblərini yerinə yetirməyib
Azərbacyan,Bakı/müxbir Trend İ.Xəlilova/1 mart göstəricisinə əsasən, ölkənin bank sisteminin kapitallaşması vəziyyəti dəyişməz olaraq qalıb. Azərbaycan Milli Bankından (AMB) verilən məlumata əsasən, yanvarda olduğu kimi fevralda da Azərbaycanın fəaliyyətdə olan üç bankı 3,5 mln. manatdan 5 mln. manatadək diapazonda kapital ödəyib. Lakin 1 yanvar 2007-ci ilə əsasən, AMB-nin məcmu kapitala olan normativ tələbi 8,2 mln. manat təşkil edib və bu gün bütün banklar kapitallarının iyulun 1-nə qədər 10 mln. manata qədər artılırmasına diqqət ayırıb.
Yanvar-fevral ərzində 27 bankın kapitalı 5 mln. manatdan 10 mln. manatadək həcmdə formalaşdırılıb. Onların bankların məcmu kapitalında xüsusi çəkisi 40,6 faiz təşkil edir.
13 bankın kapitalı 10 mln. manatı üstələyir. Ay ərzində bankların kapitallaşma strukturunda dəyişikliklər olmayıb. Fevralın 1-dən AMB-nin İdarə Heyəti tərəfindən sanksiyalaşdırılmış diaqnostik yoxlamaların nəticələrinə əsasən, üç bank əhalidən əmanət qəbulu hüququnu itirib və görünür ki, onlar hələ də qoyulmuş səviyyənin bərpası üçün heç bir tədbir görməyib. Bank lisenziyalarının məhdudiyyəti haqqında qərar bankların aktivlərinin keyfiyyətinin və kapitalın qiymətləndirilməsindən sonra qəbul olunub. Məhz qiymətləndirmə nəticəsində məlum olub ki, bu banklar real olaraq AMB-nin 1 yanvar 2007-ci il tarixli qərarına əsasən, məcmu kapitala olan normativ tələbləri yerinə yetirməyib. Onlar faktiki olaraq normativlərin yerinə yetirilməsini bəyan etsə də, lakin reallıqda onların məcmu kapitalı 3,5 mln. manatdan 5 mln. manatadək həcmdə formalaşıb.
