Azərbacyan,Bakı/müxbir Trend İ.Xəlilova/Azərbaycanın İxracın və İnvestisiyalırn Təşviqi Fondunun Müşahidəçilər Şurasının 2007-ci ildə ikinci iclası iyunda keçiriləcək. Bu barədə cümə günü AZPROMO-nun prezidenti Emil Məcidov məlumat verib.
İclasın keçirilməsi zərurəti bu il üçün olan tədbirlər planının qaydaya salınmasından irəli gəlir. "Ötən dörd ay ərzində belə görünür ki, yeni istiqamətlərin yaranması ilə əlaqədar olaraq planın kiçik dəyişikliklərə ehtiyacı var", deyə E.Məcidov bildirib. Onlar arasında o, sayı artmış marketinq araşdırılmasını ayırıb. 2007-ci ilin sonuna qədər 10 marketinq araşdırmasının aparılması planlaşdırılır.
Bununla yanaşı, Azərbaycanın stendlər və qrup səfərlərinin təşkilində iştirak edəcəyi beynəlxalq sərgilərin siyahısı tutulacaq. "İlin sonunadək biz 10-12 sərgidə iştirak etməyə çatmalıyıq. Ümumilikdə, fikirləşirəm ki, 2007-ci ildə biz ötən ilə nisbətən daha çox iş görəcəyik", - deyə AZPROMO rəhbəri bildirib.
Müşahidəçilər Şurasının müzakirəsinə həmçinin AZPROMO Himayəçilər Şurasına yeni üzvlərin qəbulu məsələsi də çıxarılacaq. E.Məcidovun sözlərinə əsasən, sonuncu iclasdan sonra (22 yanvarda keçirilib) fonda üzvlük üçün 10 ərizə daxil olub. Fevralda Himayəçilər Şurasının qərarı ilə onun təkibinə 18 yeni üzv qəbul olunub. Onların arasında ölkənin Sənaye və Energetika Nazirliyi, Azərbaycan İnvestisya Şirkəti, Gəncə Sahibkarlarının Assosiasiyası, "Cahan Holdinq" MMC, ISR Holding, Caspian Petrol, Bosshelf, LFem ltd, GTF, SAF, Standard Insurance, Agro Azerinvest, "Azital" şirkəti, Rabitəbank, Turanbank, "Ziya+", "Gəncə-şərab-2". Buna qədər Himayəçilər Şurası 74 üzvdən ibarət olub. Bunların da 50-dən çox üzvünü şirkət və holdinqlər təmsil edir. Onların ümumi sayı 92-dir.
