...

Azərbaycanın iri vergi ödəyicilərində vergi qanunvericiliyinin pozulma halları azalıb

Biznes və iqtisadiyyat xəbərləri Materials 19 Aprel 2007 11:59 (UTC +04:00)

Azərbaycan, Bakı /müx. Trend İ.Xəlilova/ 2007-ci il 1 aprel tarixində Vergilər Nazirliyinin xüsusi vergi rejimli müəssisə və iri vergi ödəyicilərlə iş üzrə Departamentində 692 müəssisə qeydə alınıb. Bu barədə 2007-ci ilin birinci rübünün yekunlarına həsr olunan müşavirədə sözügedən departamentin rəis müavini Elçin İsayev məlumat verib. Bunlardan 280 müəssisə dövlət mülkiyyəti sayılır. 84 müəssisə özəl, 278 müəssisə xarici, 47 müəssisə birgə müəssisə və 3 müəssisə beynəlxalq təşkilatların mülkiyyəti hesab olunur. Müvafiq müddət ərzində departamentdə qeydiyyatda olan ƏDV vergi ödəyicilərinin sayı 439-a çatıb.

Hər il Nazirlər Kabinetinin müəyyənləşdirdiyi kriteriyalar əsasında iri vergi ödəyicilərinin siyahısı genişləndirilir. Bu kriteriyalara cavab verməyən müəssisələr yerli vergi orqanlarının nəzarətinə keçir, ancaq paralel olaraq iri vergi ödəyicilərinin sırası yenilərin hesabına genişlənir.

Bu il departamentin qeydiyyatından 70 şirkət çıxarılıb, lakin eyni zamanda 35 müəssisə qeydiyyata alınıb (Bakı metropoliteninin 14-15 strukturu nəzərə alınmaqla). Ötən il ümumilikdə iri vergi ödəyicilərinin sayı 650-yə çatırdı. Neft müqavilələri çərçivəsində fəaliyyət göstərən şirkətlər müvafiq kriteriyalara cavab verməsələr belə avtomatik olaraq iri vergi ödəyicilərlə iş üzrə Departamentdə qeydiyyata alınırlar.

2007-ci ilin birinci rübündə 20 iri vergi ödəyicisində (14-dövlət, 5 özəl və biri xarici mülkiyyətə aiddir) vergi ödəmələri həyata keçirilib. Onların hər birində qanun pozuntuları aşkarlanıb, nəticədə dövlət büdcəsinə əlavə olaraq 1692,2 min manat köçürülüb. Maliyyə sanksiyalarının ümumi həcmi 618,2 min manat olub və hesablanmış vergilərə 65,5 min manatlıq faiz əlavə edilib.

Yoxlamalar keçirildiyi müddətdə dövlət büdcəsinə əlavə olaraq 2375,9 min manat köçürülüb. Halbuki ötən ilki müvafiq göstərici 1433,6 min manat təşkil etmişdir.

Xəbər lenti

Xəbər lenti