Azərbaycan, Bakı/ Trend müxbir İ.Xəlilova/ Azərbaycan hökuməti "KAMAZ" ASC-nin yük avtomobillərinin yığım istehsalının təşkili planlarını Azərbaycanın "Az Motors Co Ltd" şirkəti ilə bağlamağı təklif edir. Bu barədə çərşənbə günü ticarət nümayəndəliyinin rəhbəri Yuriy Şedrin bildirib.
"Baş nazir Artur Rasizadə və birinci müavini Yaqub Eyyubovla görüşdə "KAMAZ" avtomobillərinin istehsalının bu şirkətə həvalə olunmasına maraq göstərildi, amma bu burda dövlət imtiyazı olmadan keçinmək olmaz" - deyə Şedrin hesab edir.
"KAMAZ" rəhbərliyi hələ avqust ayında Azərbaycan tərəfinə burada bir sıra "KAMAZ" modifikasiyalı modellərin yığılması üçün birgə müəssisənin yaradılmasını təklif edib.
İstehsalın illik buraxılış gücü 1,5 min avtomobil olan BM-də həyata keçirilməsi nəzərdə tutulub. Öz təkliflərində "KAMAZ" 75 faiz iştirak payı tələb edir, 25 faiz isə Azərbayacan hökumətinin payına düşür. Eyni zamanda "KAMAZ" tariflər üzrə mümkün güzəştləri, həmçinin elektrik enerjisi və gəlir vergisinə görə güzəştlər də istəyir.
Hazırda bir çox şirkətlər Azərbayacana "KAMAZ" avtomobilləri gətirir. Bu cür təlabatı nəzərə alaraq burada istehsal müəssisəsi təşkil etmək məqsədəuyğun olardı.
Yaxın zamanlarda Azərbaycanda birgə yığım müəssisəsinin təşkil olunması imkanlarını müzakirə etmək üçün "KAMAZ"ın baş direktoru Sergey Koqotinin səfəri gözlənilir.
Şedrin həmçinin bildirib ki, hazırda Sərdarov adına maşınqayırma zavodunun direktoru Musa Süleymanov Moskvada "KAMAZ"la zavodun bazasında beton qarışdırandan digər texnikalara qədər maşın istehsalını təşkil etmək barədə danışıqlar aparır.
"Az Motors Co Ltd" 2006-cı ilə qədər "KAMAZ"ın rəsmi dileri idi və bu avtomobillərin Azərbaycanda istehsal və satışını həyata keçirirdi. Əməkdaşlıq anına qədər cəmi 250 maşın satılıb. Əvvəlcə şirkət ildə 80 maşın tədarük edirdi.
Hazırda Azərbaycanın yük maşınlarının 70 faizi "KAMAZ" avtomobillərinin payına düşür.
