Azərbaycan, Bakı /müx. Trend İ.Xəlilova/ Azərbaycanın Maliyyə Nazirliyi yaxın günlərdə Nazirlər Kabinetinə "2007-ci il dövlət büdcəsinə əlavələr və dəyişikliklər haqqında" qanun layihəsini təqdim etməyə hazırlaşır. Bu barədə nazirlikdən məlumat veriblər.
Güman olunur ki, büdcə təxminən 6 faiz dəyişəcək və gəlir hissəsinin proqnoz göstəricilərinin 300 mln. manat artırılacağı gözlənilir.
2007 il üçün təsdiqlənmiş büdcədə gəlir hissəsi 5 mlrd. 335,7 mln manat, xərclər- 5 mlrd. 714,7 mln manat, kəsir isə 379 mln. manat və yaxud ÜDM-in 1,7% müəyyənləşdirilib.
Büdcə proqnozlarına dəyişikliklərə zərurət Tarif Şurasının enerji daşıyacıları və kommunal xidmətlər tariflərini qaldırmaq qərarından sonra yaranıb. Çünki hökumət büdcə xərclərinə kənd təsərrüfatına 80 mln. manat yardımı, müavinət və maaşların yüksək templərlə artırılması, habelə ünvanlı sosial yardımların artırılmasını daxil edilib.
Büdcəyə planlaşdırılan dəyişikliklər nəticəsində aksizlər üzrə gəlirlərin artımı gözlənilir. Bu, enerji daşıyıcılarının qiymətinin və aprelin 1-dən idxal olunan alkoqollu məhsulların aksizlərinin (1,5-2 dəfə) artırılması nəticəsində mümkün olub. Proqnozların həmçinin ƏDV, ARDNŞ tərəfdən gəlir vergisi və təbii sərvətlərə qoyulan vergi (bunu ARDNŞ ödəyəcək) üzrə artacaq. Vergi daxilolmaları eyni zamanda "Azərenerji" və "Azəriqaz" tərəfindən gözlənilir.
Maaşların artımı ilə əlaqədər dövlət büdcəsinin gəlirlər hissəsi həmçinin gəlir vergisi hesabına artacaq.
Büdcəyə əlavə və dəyişikliklərin təsdiqlənməsi "2007-cı il dövlət büdcəsinin icrası haqqında" qanun layihəsi ilə birlikdə mayda gözlənilir. Onların hər ikisi ilin ikinci yarısından qüvvəyə minəcək.
