Azərbaycan, Bakı /müx. Trend İ.Xəlilova / 2007-ci ilin yanvar-aprel aylarının yekunlarına əsasən, Azərbaycan Milli Bankının (AMB) ixtiyarında olan valyuta ehtiyatları 2035,4 mln. dollar təşkil edib. Bu barədə AMB-dən verilən məlumatda bildirilir. İlin əvvəli ilə müqayisədə artım 3,46 faiz (68,1 mln. dollar) təşkil edib. Ötən ilin göstəricilərinə görə valyuta ehtiyatları 1967 mln. dollara bərabər idi.
İlkin hesablamalara əsasən, 2007-ci ildə MBA-nın ehtiyatları təxminən 1 mlrd. dollar artacaq.
Hazırda MBA valyuta vəsaitlərinin idarəedilməsi prosesinə yeni menecer cəlb edib. Bu, Dünya Bankının xəzinədarlığıdır. İş ondadır ki, dünya təcrübəsində mərkəzi banklar əsasən məhz bu maliyyə institutuna müraciət edirlər. Dünya Bankının xəzinadarlıq departamentinə idarə etmək məqsədi ilə 100 mln. dollar verilib.
Vəsaitlərin verilməsinin şərtlərindən biri odur ki, Dünya Bankı məsləhətləşmələr və ehtiyatların idarəedilməsinin üçillik proqramı çərçivəsində (RAMP) MBA-nın idarəçilik potensialının artırılmasına yardım göstərəcək. Hazırda xarici menecerlərin idarəsinə ümumilikdə 250 mln. dollar verilib.
