Azərbaycan, Bakı / Trend / Azərbaycanın Kənd Təsərrüfatı Nazirliyi yanında Dövlət Baytarlıq Xidməti bəzi KİV-lərdə Gədəbəydən Bakıya keyfiyyətsiz ətin gətirilməsi ilə bağlı yer almış məlumatları təkzib edib.
Xidmətin yaydığı xəbərdə bildirilir ki, Azərbaycanın bölgələrində, o cümlədən Gədəbəydə epizootik durum sabit kimi dəyərləndirilir. Ölkədə müxtəlif xəstəliklərin qarşısının alınması məqsədilə profilaktik tədbirlər keçirilir.
"Son aylarda Gədəbəydən Bakının bazarlarına ət gətirilməyib" - deyə məlumatda qeyd olunub. Baytarlıq Xidməti əhalini KİV-lərdə yayılan bu cür informasiyalara inanmamağa çağırır.