Bakı. Trend:
"Real"ın qapıçısı Tibo Kurtuanın "El Klasiko"da iştirak edib-etməyəcəyi məlum olub.
Trend xarici mediaya istinadən xəbər verir ki, belçikalı qolkiper tezliklə komanda ilə məşqlərə qoşulacaq. Klub onun səhhəti ilə bağlı riskə getmək istəmir və qapıçının qayıdışını "El Klasiko" matçına planlaşdırır.
Bərpa prosesində problemlər yaranmasa, Kurtua mayın 10-da "Kamp Nou"da "Barselona"ya qarşı keçiriləcək matçda meydana çıxacaq.
Xatırladaq ki, təcrübəli qapıçı mart ayından bəri "Real"ın heyətində oynamır.