Azərbayacan, Bakı/ "Trendcapital" müxbir İ.Xəlilova/ Mayın 14-də Cənubi Koreyanın Ticarət, Sənaye və Energetika Nazirliyinin dəstəyi ilə Bakıda Koreya elektron ticarət mərkəzinin açılışı planlaşdırılır. Bu barədə Azərbaycanın Iqtisadi Inikişaf Nazirliyindən məlumat verilib. Mərkəz aprelin 24-də Seulda keçirilmiş biznes-forum çərçivəsində Koreyanın Sənaye Korporasiyası və Bakı Biznes Mərkəzi arasında imzalanmış müqavilə əsasında yaradılır.
Elektron ticarət mərkəzinin açılışında 21 Koreya şirkətindən 11 nümayəndənin, Azərbaycandan isə 40-a yaxın şirkətin iştirak edəcəyi gözlənilir. Mərkəzin açılışından sonra hər iki ölkənin biznes nümayəndələrinin görüşü keçiriləcək.