Azərbaycan,Bakı/müxbir Trend Ü.İsmayılova/Azərbaycan İpoteka Fondu (AİF) Azərbaycanın Maliyyə Nazirliyinə fonda ölkənin dövlət büdcəsindən ayrılmış 20 mln. manatın köçürülməsi üçün müraciət edib. Bu barədə bazar ertəsi fonddan məlumat verilib.
2006-cı ilin dövlət büdcəsindən AİF üçün 26 mln. manat, cari ilin büdcəsindən isə 20 mln. manat ayrılıb.
Fonddan verilən məlumata əsasən, yaxın günlərdə Maliyyə Nazirliyindən müsbət cavab gözlənilir. Bu günlərdə Azərbaycan Milli Bankının rəhbəri Elman Rüstəmov 2007-ci ildə AİF-ə vəsaitlərin artırılması imkanı barədə bəyan edib. Onun sözlərinə görə, bu il fond əvvəl nəzərdə tutulmuş 20 mln. manatdan çox vəsait əldə edə bilər.
AİF 23 səlahiyyətli bank təşkilatları vasitəsilə ayrılan ipoteka kreditlərini yenidən maliyyələşdirir.
