Azərbaycan, Bakı / Trend / Azərbaycanın Əhalinin Sosial Müdafiəsi Dövlət Fondunun Balakən filialı istifadəyə verilib. Bu barədə məlumat rəsmi mətbuatda yer alıb.
İkimərtəbəli binanın ərazisi 700 kv.m-ə bərabərdir. Burada 12 xidməti kabinet və 24 nəfərdən ibarət işçi heyət yerləşir.
Binanın açılışında çıxış edən filialın rəhbəri Nəzakət Muradova qeyd edib ki, il ərzində Balakən rayonunda məcburi sosial sığorta ödəmələri 101 faiz yerinə yetirilib.
Rayonda sahibkarlıqla məşğul olan 291 hüquqi və 1093 fiziki şəxs qeydiyyatdan keçib.
Rayonda 13 min müavinətçiyə 60, 4 manatlıq orta aylıq pensiya verilir.
Filial binasının açılışında həmçinin Fondun rəhbəri Səlim Müslimov da iştirak edib.