Azərbaycan, Bakı /müx. Trend Ü.İsmayılova/ May ayında Bakıda yeni tikililərdə 1 kv.m.-in orta qiyməti 1002 dollar, aylıq qiymət artımı isə 0,8 faiz təşkil edib.
Bu barədə "Daşınmaz əmlak bazarı iştirakçıları" ictimai təşkilatının yaydığı məlumatda bildirilir.
Artım tələbata görə yox, xərclərin inflyasiyasına görə olub.
Mayda Bakının yeni tikikililər bazarında təkliflərin azalması müşahidə olunub. Bir sıra tikilən binalarda inşa işləri dayandırılıb, yaxud da məhdud xarakter daşıyıb.
Mayda tikilən binaların mərtəbələrinin orta göstəricisi- 15,2, mənzillərin sahəsi - 123,1 kv.m, qeyri-yaşayış sahələrinin payı isə 9,4 faiz təşkil edib.
Mayda ümumi təkliflər paketində yeni tikililərin payı 14,8 faizə bərabər olub.