Azərbaycan, Bakı /müx. Trend Ü.İsmayılova/ İyunun 22-də Azərbaycanda klinker və onun əsasında sementin yeganə istehsalçısı olan Garadagh Cement ASC sərmayədarlarının illik toplantısını keçirib.
Şirkətin mətbuat xidmətindən verilən məlumata görə, toplantıda sərmayədarlara 2006-cı il və 2007-ci ilin birinci rübü üzrə dividendlərin ödənilməsi haqda qərar qəbul edilib.
Qərara əsasən müşahidə şurası və audit komitəsinə yeni üzvlər seçilib.
1999-cu ildə Azərbaycanda fəaliyyətə başlayan İsveçərinin Holcim Group şirkəti Qaradağ Sement zavodu ilə respublikanın daxili bazarında böyük uğura imza atıb.
Hazırda müəssisənin məhsulu Azərbaycanda gerçəkləşdirilən iri layihələrdə, o cümlədən qlobal enerji layihələrində geniş istifadə olunur.