...

Rusiya baş nazirinin müavini Bakıya gəlir

Biznes və iqtisadiyyat xəbərləri Materials 29 Avqust 2007 17:37 (UTC +04:00)

Azərbaycan, Bakı/ Trend müxbir S.Ağayeva/ Rusiya Federasiyasının baş nazirinin müavini Sergey Narışkinin 31- avqust - 1 sentyabr tarixlərində Azərbaycana səfəri çərçivəsində bir sıra ikitərəfli əməkdaşlıq məsələləri müzakirə olunacaq. Bu barədə çərşənbə günü RF-nin Azərbaycandakı səfirliyinin mətbuat katibi Stepan Rıbalka məlumat verib.

Danışıqların gündəliyinə MDB çərçivəsində iqtisadi əməkdaşlıq, beynəlxaql təşkilatlar çərçivəsində ikitərəfli əməkdaşlıq, təhlükəsizlik məsələləri, regiondakı vəziyyət və s. məsələlərin müzakirəsi daxildir.

İlkin səfər proqramına əsasən Narışkin Azərbaycana səfərini Azərbaycanın eks-prezidenti Heydər Əliyevin məzarını ziyarət etməklə başlayacaq, sonra Azərbaycanın baş nazirinin birinci müavini Yaqub Eyyubovla danışıqlara başlayacaq.

Narışkin və Eyyubov iqtisadi əməkdaşlıq üzrə Rusiya və Azərbaycan hökumətlərarası komissiyasına rəhbərlik edirlər.

Axşam isə Narışkinin Rusiyanın işgüzar dairələrinin Azərbaycanda işləyən nümayəndələri ilə görüşü planlaşdırılıb.

Sentyabrın 1-də Rusiya baş nazirinin müavini Azərbayacanın din xadimləri ilə görüşməyi planlaşdırır.

Xəbər lenti

Xəbər lenti