Azərbaycan, Bakı/ Trend müxbir S.Əliyev/Azərbaycan Dövlət Neft Şirkətindən oktyabrda "Apsheron Operating" əməliyyat şirkətinin "Hövsan-Zığ" müqavilə sahəsindən neft hasilatına başladığı barədə xəbər verilib. Oktyabrda şirkət 5 min tondan bir az çox neft hasil edib. Bu göstərici keçən il bu yataqlardakı hasilatın həcmindən 30.2 faiz aşağıdır. Rusiyanın "RussNeft Absheron Investments Limited" şirkəti 6 noyabrda "Zığ və Hövsan" yatağının da daxil olduğu hasilat blokunun reabilitasiyası, işlənməsi və bölünməsi müqaviləsi çərçivəsində müqavilənin qüvvəyə minməsi ilə əlaqədar olaraq Azərbaycan Dövlət Neft Fonduna 2 milyon dollar həcmində bonus ödəyib. Keçən il noyabrın əvvəlində Rusiyanın "RussNeft" şirkəti Azərbaycan Dövlət Neft Şirkəti ilə "Hövsan-Zığ" yatağının işlənməsi, reabilitasiyası ilə bağlı PSA növlü müqavilə imzalayıb. Müqavilədə ARDNŞ 25 faiz, "RussHeft" 75 faiz iştirakı payı alıb. Müqaviləyə görə, şirkət iki ildən sonra "Hövsan-Zığ" yatağındakı hasilatın həcmini 1.5 dəfə artırmalıdır. "Zığ" müqavilə yatağının sahəsi 65 kvadrat kilometr təşkil edir. Çıxarılan neftin qalıq ehtiyatı 12 milyon ton təşkil edir. Yataq 1935-cil ildə açılıb. Sahədə 168-i müxtəlif dövrlərdə istismarda olmuş 234 quyu var. "Hövsan" yatağı 1948-ci ildə açılıb. Hazırda hasilat sutkada 260 ton neft və 90 min kubmetr qaz təşkil edir.Hasilat 19 quyuda aparılır.
...