Azərbaycan, Bakı, 18 yanvar / Trend , müxbir A.Bədəlova / Cümə günü Avropanın üç aparıcı qaz şirkətindən biri olan Almaniyanın "E.ON Ruhrgas" şirkətinin vitse-prezidenti Tomas Qayzel (Thomas Geisel) Trend a bildirib ki, "Nord Stream" ("Şimali axın") qaz kəməri bir neçə ildən sonra Avropanın qaz idxalında əlavə təlabatın 25 faizini ödəyəcək və Aİ ölkələrinə yanacaq nəqlinin təhlükəsizliyini təmin edəcək.
" "Şimali axın"sız Avropa İttifaqı qaza olan t əlabatını ödəyə bilməzdi", - Qayzel deyib.
"Nord Stream" qaz kəmərinin Rusiyadan (Vıborq) Almaniyaya (Qrayfsvald) Baltik dənizinin dibi ilə çəkməsi planlaşdırılır.
Qaz kəmərinin 1,2 min kilometr uzunluğunda, illik 27,5 mlrd. kubmetr ötürmə qabiliyyətinə malik olacaq ilk qanadının çəkilməsi 2010-cu ilə planlaşdırılır. Qazın göndərilməsi 2011- ci ildə başlayacaq.
Kəmərin 27,5 mlrd. kubmetr ötürmə qabiliyyətinə malik olacaq ikinci qanadının çəkilməsi 2012-ci ilə planlaşdırılır. Qaz kəmərinin ümumi həcmi bir ildə 55 mlrd. kubmetr olmalıdır.
"Qaz "Nord Stream" qaz kəməri ilə Almaniyaya göndəriləcək. Həmin qaz oradan Danimarkaya, Niderlanda, Belçikaya, Böyük Britaniyaya və Fransaya göndərilə bilər". - Qayzel deyib.
O bildirib ki, layihə digər Avropa ölkələrinə boru kəmərlərinin periferiya işləmələri üçün açıqdır.
"Nord Stream" tikinti və istismar Konsorsiumuna layihədə 51 faizlik payı olan Rusiyanın "Qazprom" ASC-si və 24,5 faizlə Almaniyanın "BASF AG" və "E.ON AG" şirkətləri üzvdürlər. 2007-ci ilin noyabrında Niderland "Gasunie" şirkəti qaz kəmərinin tikinti layihəsinə qoşulması barəsində "Qazprom"la müqavilə bağlayıb.
"E.ON Ruhrgas AG" (2004-cü il iyulun 1-dək "Ruhrgas AG") 2003-cü ilin fevralından "E.ON AG" konsernin hissəsidir və Avropada qaz ticarət qrupuna cavabdehdir. Onun vəzifələrinə təbii qazın hasilatı, satışı, nəqlivə saxlanılması aiddir. Şirkət 11273 kilometr uzunluğunda qollara ayrılmış qazın nəqli şəbəkəsinə malikdir. Şəbəkənin tərkibinə aktiv qazın ümumi həcmi - 5,1 mlrd. kubmetr olan 12 yeraltı anbar daxildir. "E.ON Ruhrgas AG" satış həcminə görə, Almaniya bazarında liderdir.
