Azərbaycan, Şəmkir, 05 fevral/ " müxbir Q.Raqifqızı/ "Azəriqaz" QSC Azərbaycanın Şəmkir rayonun dörd kəndinə qaz kəmərlərinin çəkilməsini başa çatdırıb. Bu, 50 min abunəçidən təxminən 30 minini qazla təchiz etməyə imkan verəcək.
Çərşənbə axşamı rayonun qaz idarəsinin rəhbəri Vaqif Məmmədov Dəllərcəyir, Dəllərcırdaxan, Sarıtəpə və Dəllərdaşbulaq kəndlərinə qaz kəmərlərinin çəkilməsinin 430 min manata başa gəldiyini bildirib. Bu vəsaiti "Azəriqaz" ayırıb. Diametri 219 mm olan boru kəmərlərinin uzunluğu 2,5 km təşkil edib.
