Azərbaycan, Bakı, 12 fevral/ Trend , müxbir A.Bədəlova/ Avropa Komissiyası (AK) Avropa İttifaqının qanunvericiliyinə müvafiq olaraq, "Nabukko" qaz kəmərinin Avstriya hissəsinin tikintisinə üçüncü tərəflərin çıxışına icazə verib. Bu barədə Avropa İttifaqının məlumatında deyilir.
Komisssiya Avstriyanın Energetika İdarəsindən gələcək qaz kəmərinin yerləşməsinin təhlükəsizliyi üzrə əlavə tədbirlər görməyi tələb edib.
"Komissiyanın qərarı bizim qaz tədarükləri mənbələrinin diversifikasiyası üzrə Avropanın səylərini artıracaq layihənin dəstəklənməsindən xəbər verir", - Aİ-nin energetika üzrə komissarı Andris Piebalqs deyib.
Onun sözlərinə görə, "Nabukko" layihənin iştirakçısı olan dövlətlər üçün vacibdir. O, rəqabətin güclənməsinə və Avropa İttifaqı üçün qaz tədarükünün təhlükəsizliyinin təmin edilməsinə yardım edəcək.
"Nabukko" konsorsiumu Avropa Komissiyasından Bolqarıstanı, Rumıniyanı və Macarıstanı üçüncü tərəflərin boru kəmərinin tikintisinə nizamlanan çıxışının ümumi qaydalarının təsirindən azad etməyi istəyib.
AK tərəfindən belə güzəştlər yeni boru kəmərlərinin çəkilməsi üçün daha səmərəli yerlər seçməyə və optimal tranzit tarifləri qoymağa icazə verəcək.
Başlanğıc mərhələdə buraxıcı gücü ildə 8 mlrd. kubmetr olacaq boru kəmərinin tikintisinin 2009-cu ildə başlayacağı, 2012-ci ildə başa çatacağı gözlənilir. Qazın tədarükü 2013-cü ildən başlayacaq. Layihənin ümumi dəyəri $7,4 mlrd. qiymətləndirilir. Gələcəkdə, əlavə nasos stansiyalarının tikintisi hesabına, onun gücü ildə 31 mlrd. kubmetrə çatdırılacaq.
Uzunluğu 3,300 km. olacaq "Nabukko" kəməri ilə qaz Azərbaycan və Mərkəzi Asiya ölkələrindən Aİ-yə tədarük ediləcək. Qaz Mərkəzi Asiyadan "Nabukko"-dək Xəzərin dibi ilə çəkilməsi planlaşdırılan TransXəzər qaz kəməri ilə çatdırılacaq. TransXəzər qaz kəməri Xəzərin Qazaxıstan və ya Türkmənistan sahilindən güman edilən qaz ehtiyatları 6 trln. kubmetr olan Azərbaycanadək çəkiləcək. Mərkəzi Asiya qazı Azərbaycandan "Nabukko"-dək hazırda fəaliyyət göstərən Cənubi-Qafqaz qaz kəməri ilə (Bakı-Tbilisi-Ərzurum) çatdırılacaq.
Məqalə müəllifi ilə əlaqə saxlamaq üçün ünvan: [email protected]