Azərbaycan, Bakı, 11 mart / Trend / "Azəriqaz" Qapalı Səhmdar Cəmiyyəti sisteminə (Azərbaycan ərazisində qaz paylaşdırılması ilə məşğul olur) 2007-ci ilin yanvar-fevral aylarında 1 mlrd. 30 mln. kubmetr qaz göstəricilərinə qarşı bu ilin yanvar-fevral aylarında 1 mlrd.30 mln. kubmetr qaz daxil olub. Bu barədə Dövlət Neft Şirkətinin (ARDNŞ) məlumatında deyilir. Bu il paylaşdırıcı şəbəkəyə qaz tədarükünün 5,7 mlrd. kubmetri ötəcəyi proqnozlaşdırılır.
Dövlət Neft Şirkəti respublikanın qaz paylama şəbəkəsinə əsas qaz tədarükçüsüdür.Yanvar-fevral aylarında ARDNŞ keçən ilin analoji dövründəki 737,5 mln. kubmetr qaza qarşı bu ilin ilk aylarında 682 mln. kubmetr qaz tədarük edib. ARDNŞ ümumilikdə bu il "Azəriqaz"a 3,5 mlrd. kubmetr qaz tədarük etmək niyyətindədir.
"Azəri"-"Çıpaq"-"Günəşli"yataqlarından qaznəqliyyatı sisteminə yanvar və fevral aylarında keçən ilin yanvar-fevral aylarındakı 430 mln. kubmetrdən artıq qaz göstricilərinə qarşı bu il 149,5 mln. kubmetr qaz ötürülüb. Bu yataqlardan alınan qazın cari il üçün proqnozları 637 mln. kubmetr təşkil edir.
"Şahdəniz" qazkondensatı yatağından "Azəriqaz" sisteminə yanvar-fevral aylarında keçən ilin analoji dövrünün 57 mln. kubmetrinə qarşı 198,4mln. kubmetr qaz daxil olub. Bu il ümumilikdə yataqdan 1,541 mlrd. kubmetr qaz daxil olacaq.
