Ukrayna, Kiyev, 22 may / " müxbir Z.Novosvitski/ Ukrayna və Azərbaycan prezidentləri Viktor Yuşşenko və İlham Əliyev iyulun 1-də Xəzər neftinin Avropa İttifaqına (Aİ) nəqli üzrə birgə qrupun yaradılması ilə bağlı məsələni nəzərdən keçirəcəklər. Bu barədə danıqışların yekunu üzrə Azərbaycan prezidenti İlham Əliyevlə birgə keçirilən mətbuat konfransında Yuşşenko məlumat verib.
Ukrayna prezidenti danışıqlar zamanı əsas diqqətin "Odessa - Brodı - Qdansk - Plotsk" layihəsi, onun doldurulması və istismara verilməsi tarixi ilə bağlı məsələlərə ayrıldığını qeyd edib.
Yuşşenko bildirib ki, bu layihə üzrə birgə işçi qrupun ilk hesabatı iyulun 1-dək hazır olacaq. Həmin gün prezidentlər digər layihələrə də, xüsusilə Azərbaycanın Ukrayna ərazisindəki neft emalı sahələrində iştirakı üzrə layihənin reallaşdırılmasına kompleks yanaşma, şəxsi yanacaqdoldurma stansiyaları şəbəkələrinin yaradılması, həmçinin, Aİ-yə neft ixracında iştirak məsələlərinə qiymət verəcəklər.
Prezident İlham Əliyev Azərbaycanın Ukraynaya sərmayə yatırmaqda maraqlı olduğunu qeyd edib.
Məqalə müəllifi ilə əlaqə ünvanı: trend
