Azərbaycan, Bakı, 27 may / Trend / Cari ilin mart ayında 41 rayon ərazisində "Azərenerji" Səhmdar Cəmiyyətinin idarə etdiyi şəbəkələrdə elektrik enerjisi tədarükünə görə vəsait yığımı həcmi 74,9 faiz təşkil edib. Bu barədə SC-nin məlumatında bildirilir. Bu göstərici ötən aylarla müqayisədə nəzərəçarpacaq dərəcədə artıb. Ötən aylarda bu göstərici 47 faizədək təşkil etmişdi. Yığım həcminin artması elektrik enerjisinə tələbatın azalmasına səbəb olan istiləşmə ilə əlaqədardır.
Ən çox vəsait yığımı həcmi Ucar rayonu - 135,8 faiz, ən az isə Biləsuvar rayonunda - 41,4 faiz müşahidə olunub.