Azərbaycan, Bakı, 24 iyul/ Trend , müxbir S.Əliyev/ Azərbaycan Dövlət Neft Şirkətinin SOCAR Energy Georgia şirkəti cari il ərzində iri istehlakçılarla müqavilələr üzrə Gürcüstan bazarına təqribən 200 mln. kubmetr qaz tədarük etmək niyyətindədir. Bu barədə SOCAR Georgia şirkətinin rəhbəri Mahir Məmmədov məlumat verib.
SOCAR Energy Georgia qazı Azərbaycanın Dövlət Neft Şirkətindən alır və Gürcüstandakı kommersiya istehlakçılarına satır.
2008 - ci ilin sonunadək Azərbaycan Gürcüstana təqribən 600 mln. kubmetr - sutkada 1,3 - 1,5 mln. kubmetr qaz tədarük edəcək. Qaz Azərbaycan Dövlət Neft Şirkətinin şəxsi yataqlarından hasil edilir.
Gürcüstana sutkada təqribən 1 mln. kubmetr xarici şirkətlər konsorsiumu tərəfindən işlənilən Azərbaycanın "Şahdəniz" qaz-kondesat yataqından hasil edilən qaz da tədarük edilir.
Müəlliflə əlaqə saxlamaq üçün elektron ünvan: [email protected]