Azərbaycan, Bakı, 29 iyul/ Trend / 2008-ci il yanvarın 1-nə olan məlumatlara əsasən, Azərbaycanın təsdiq olunmuş təbii qaz ehtiyatları 1,35 trln. kubmetr təşkil edib ki, bu da 2004-cü ildən indiyədək göstəricinin dəyişməməsindən xəbər verir. Bu barədə İtaliyanın ENİ neft-qaz şirkəti tərəfindən hazırlanmış "Dünyada neft və qaz - 2008" hesabatında bildirilir.
Britaniyanın BP neft şirkətinin hesabatında göstərilən məlumatlara əsasən, bu göstərici 1,28 trln. kubmetr təşkil edir ("Dünya energetikasının icmalı - 2008").
ENİ şirkətinin məlumatına əsasən, hasil edilən qaz ehtiyatlarına görə birinci yeri 47,8 trln. kubmetr ehtiyatla Rusiya tutur ki, bu da 2006-cı ilin göstəricisinə bərabərdir (BP-nin məlumatlarına əsasən, bu göstərici 44,65 trln. kubmetr qaz təşkil edib).
ENİ Qazaxıstanın təsdiq edilmiş ehtiyatlarını 1,9 trln. kubmetr qiymətləndirir. Bu göstərici 2003-cü ildən dəyişməz qalıb (BP-nin 2007-ci il üzrə təqdim etdiyi göstəriciyə bərabərdir).
İran 2006-cı ildəki 27,6 trln. kubmetrə qarşı 26,8 trln. kubmetr təbii qaz ehtiyatına malikdir (BP-nin məlumatlarına əsasən, 2007-ci ildə bu göstərici 27,8 trln. kubmetr təşkil edib).
ENİ-nin məlumatlarına əsasən, Türkmənistanın təsdiq edilmiş qaz ehtiyatları 2,9 trln. kubmetrdir və bu göstərici 2001-ci ildən dəyişməz qalır (BP-nin məlumtlarına əsasən, 2007-ci ildə bu göstərici 2,67 trln. kubmetr təşkil edib).