Azərbaycan, Bakı, 05 avqust / Trend / Cari ilin yanvar-iyul aylarında Azərbaycan Dövlət Neft Şirkəti (ARDNŞ) dövlət büdcəsinə 701718 min manat köçürmə edib. Bu göstərici 2007-ci ilin analoji dövründə 594129 manat təşkil edib. Bu barədə ARDNŞ -nin məlumatında bildirilir.
İyulda ARDNŞ -nin dövlət büdcəsinə köçürmələri 118722 min manat təşkil edib ki, bu da ötən ilin analoji dövrünə nisbətdə 8476 min manat (Ötən il bu göstərici 110246 min manat təşkil edib) çoxdur.
Yanvar-iyul aylarında ARDNŞ tərəfindən Əhalinin Dövlət Sosial Müdafiə Fonduna 56544 min manat köçürmə aparılıb. Bu göstərici 2007-ci ilin analoji dövründə 41903 min manata bərabər olub. İyulda sosial köçürmələr 8055 min manat təşkil edib ki, bu da ötən ilin analoij dövr göstəricisindən 1465 min manat (Ötən il bu göstərici 6590 min manat təşkil edib) çoxdur.
