Azərbaycan, Bakı, 13 avqust / Trend / "Azəriqaz" Qapalı tipli Səhmdar Cəmiyyəti Qaradağda yerləşən qaz paylayıcı stansiya istiqamətində "Səngəçal-Qaradağ" yeni boru kəməri magistralının tikintisini 2008-2009-cu il payız-qış mövsümünün başlanmasınadək başa çatdırmağı planlaşdırır. Bu barədə rəsmi mətbuata müsahibəsində "Azəriqaznəql" İstehsalat Birliyinin (qaz nəqli) direktoru Zaman Çeləbiyev bildirib.
Yeni qaz kəmərinin uzunluğu 21 km, diametri - 1020 mm-dir.
Çeləbiyev bildirib ki, "AzQEZ-Qaradağ" qaz kəməri magistralının tikintisi də yekunlaşmaq üzrədir. Boru kəmərinin uzunluğu 2,9 km, diametri - 1220- 530 mm təşkil edir.
