Azərbaycan, Bakı, 21 avqust/ Trend , S.Babayeva/ İlk yarımildə Azərbaycanın iri kimya müəssisəsi - Azərkimya Dövlət Şirkəti istehslatı 60 faiz artırıb. "Azərkimya"nın mətbuat xidmətinin məlumatına görə, iyulda dövlət şirkətinin tərkibinə daxil olan müəssisələr proqnozu 143,1 faiz yerinə yetiriblər.
"Aylıq istehsal həcmi iki dəfədən çox artıb", - şirkətdən bildiriblər.
Daha çox yüksək istehsal templərinə görə "Etilen-Polietilen", "Səthi-aktiv maddələr" və "Sintezkauçuk" zavodları fərqlənib. İstehsal üzrə göstəriciləri açıqlanmır.
Yanvar-iyulda şirkətin İtaliya, İspaniya, Belçika, Türkiyə, İran, Latviya, Rusiya, Ukrayna, Gürcüstan, Özbəkistan və Türkmənistana realizə olunmuş satış tempinin artımı 114 faiz təşkil edib.
"Hazırda şirkətdə yeni neft-kimya kompleksinin qurğu və avadanlıqları ilə işləmək üçün beynəlxalq şirkətlərin iştirakı ilə kadrların hazırlanması prosesi gedir", - "Azərkimya"nın məlumatında deyilir.