Azərbaycan, Bakı, 03 sentyabr / Trend / Azərbaycan Dövlət Neft Şirkəti (ARDNŞ) 2008-ci ilin yanvar-avqust aylarında Bakı-Tbilisi-Ceyhan boru kəməri ilə təqribən 12,5 mln. ton neft ixrac edib. Bu göstərici ötən ilin analoji dövründə təqribən 4,2 mln. tona bərabər olub. Bu barədə şirkətin məlumatında bildirilir.
ARDNŞ 2006-cı ildə Bakı-Tbilisi-Ceyhan boru kəməri marşrutu ilə təqribən 1 mln. 403 min ton neft ixrac edib.
Gürcüstanın Qara dəniz Batumi limanı istiqamətində dəmir yolu ilə iyul və avqustda neft ixracı həyata keçirilməyib. Yanvar-iyunda bu göstərici təqribən 245,8 min ton neft təşkil edib. Bu göstərici ötən ilin analoji dövründə təxminən 221,3 min tona bərabər olub.
