Azərbaycan, Bakı, 08 sentyabr / Trend , müxbir E.İsmayılov/ Azərbaycan Dövlət Neft Şirkətinin (ARDNŞ) Heydər Əliyev adına dərin özüllər zavodu "Ümid"perspektivli qaz kondensatı dəniz strukturunda quraşdırılacaq yeni platformanın tikintisini başa çatdırıb, - bazar ertəsi zavoddan deyiblər.
"Birinci blok artıq hazırdır. Sentyabrın 20-də onun göndərilməsi nəzərdə tutulub. İkinci blok bir aydan sonra göndəriləcək", - zavoddan bildiriblər.
"Ümid-1"dəniz platformasının istismarı ARDNŞ-ə öz vəsaitləri hesabına işlədiyi yataqlarda qaz hasilatının artırılması proqramının reallaşdırılması çərçivəsində lazımdır. Proqrama əsasən, ARDNŞ-in dövlətə təhvil verdiyi qazın həcmi 8 milayrd kubmetr təşkil etməlidir. Cari ildə ARDNŞ 8 milyard qaz hasil etməyi planlaşdırıb ki, onun da 7 milyardı dövlətə təhvil veriləcək.
Tikintisi başa çatmayan "Çıraq" platformasının bazasında tikilən "Ümid-1" platforması proqram çərçivəsində ən böyük obyekt hesab edilir. Onun hündürlüyü 72 m. olacaq. Platforma "Bulla-dəniz" dəniz yatağının 15 km.-də, 58 m. dərinlikdə yerləşəcək. Platformada altı qaz quyusunun qazılması nəzərdə tutulub.
"Ümid" dəniz strukturunda güman edilən ümumi qaz ehtiyatları 200-300 milyard kub metr həcmində qiymətləndirilir.
