Azərbaycan, Bakı, 26 sentyabr/ Trend , müxbir E.İsmayılov/ SOCAR şirkətinin (Azərbaycanın Dövlət Neft Şirkəti) işlədiyi "Günəşli" yatağının dayazsulu hissəsində "Aşağı təzyiqli səmt qazının tutulması" layihəsi üzrə yekun sənəd noyabrda Fransanın BNP Paribas Bankının Icraçı Komitəsinin müşavirəsində müzakirə ediləcək, - SOCAR-ın Ekologiya İdarəsinin rəsmi İnternet-saytında yerləşdirilən məlumatda bildirilir.
"BNP Paribas bankı bu layihə çərçivəsində bir sıra işlər aparsa da, onun maliyyələşdirməsi ilə məşğul deyil", - İdarədən cümə günü bildiriblər.
SOCAR şirkətinin "Azneft" Istehsalat Birliyinin mütəxəssislərinin İFC İnternational şirkətinin iqlim və energetika departamentinin direktoru Aleksey Sankovski ilə görüşünün əsas məqsədi "Aşağı təzyiqli səmt qazının tutulması" layihəsi üzrə əvvəllər hazırlanan sənədin yekun versiyasının hazırlanmasıdır.
Layihə $150 qiymətləndirilir. 2009 - cu il yanvarın 1 - dən aşağı təzyiqli səmt qazının yığılmasına başlanılacaq. Qaz sıxıldıqdan sonra (təzyiqin artırılması) Azərbaycan Qaz Emalı Zavodu və ya milli qaz nəqli sistmeinə göndəriləcək və abunəçilərə veriləcək. Əvvəllər infrastruktur olmadığından, bu qaz atmosferə buraxılırdı ki, bu da ətraf mühitə böyük zərər yetirirdi.
İldə havaya atılan qazın miqdarı təxminən 200 mln. kubmetdir. Bu layihənin realizəsi üçün "Günəşli-4" platformasında qazı sıxacaq kompressorlar quraşdıracaqlar. Qazın boru kəmərləri ilə nəqli üçün də zəruri işlər görülüb.
Müəlliflə əlaqə saxlamaq üçün elektron ünvan: [email protected]
