Azərbaycan, Bakı, 17 oktyabr/ Trend , müxbir A.Bədəlova/ "Hazırki dünya tələbatını təmin etmək üçün dünyada təsdiq edilmiş neft ehtiyatları 40 ilə, təbii qaz ehtiyatları 60 ilə, kömür ehtiyatları isə, 130 ilə çatacaq", - BP Global-pın işlənilmə və hasilat üzrə icraçı direktoru Endi İnglis (Andy Inglis) bildirib. Onun nitqi şirkətin rəsmi saytında dərc edilib.
ABŞ - ın Dövlət Enerji İnformasiyası İdarəsinin məlumatlarına əsasən, 2008-ci ildə dünyada neftə tələbat sutkada 86,14 mln. barel, Beynəlxalq Enerji Agentliyinin məlumatlarına görə isə, 86,5 mln. barel təşkil edəcək.
BP-nin hesabatına əsasən, 2008-ci il yanvarın 1-nə dünyada təsdiq edilmiş neft ehtiyatları 168,6 mlrd. ton, təbii qaz - 177,36 trln. kubmetr, kömür - 847,48 mlrd. tondur.
İnglisin sözlərinə
görə, neftin qiymətləri bir müddət
əvvəl düşsə də, hələ də yüksək
və dəyişkən olaraq qalır.
"Bu gün neftin qiymətlərini
mənbələrin (ixracın)
çatışmazlığı idarə edir.
Qiymətlər bir neçə amildən asılıdır
və son zamanlar müşahidə edilən müstəsna
dünya iqtisadi artımı bu amillərdən biridir", -
İnglis bildirib.
London birjasinda ticarətin yekunları üzrə neftin noyabr fyuçerslərinin qiyməti 4,48 dollar - bir barelə görə 66,32 dollaradək, Nyu-York birjasında Amerikanın WTI növlü yüngül neftinin noyabr fyuçerslərinin dəyəri isə, 4,69 dollar - 68,57 dollardək azalıb.
Müəlliflə əlaqə saxlamaq üçün elektron ünvan: [email protected]