Azərbaycan, Bakı, 28 oktyabr/ Trend / Avropada ən iri neft podratçısı - İtaliyanın Saipem şirkəti Azərbaycan və Cənubi Amerikada işlərin görülməsinə dair dəyəri təxminən 1,1 mlrd. dollar olan müqavilə alıb,- şirkətin rəsmi saytında yerləşdirilmiş məlumatında bildirilir.
Saipem Azərbaycanda BP-yə məxsus dəniz obyektlərinin yoxlanılması, onlara xidmət göstərilməsi və bərpası ilə məşğul olacaq. BP beşillik sazişi iki il uzada bilər.
İtaliya şirkəti Braziliyanın Petroleo Brasileiro SA şirkəti üçün 174 kilometrlik ofşor qaz kəmərinin daşınması, quraşdırılması və yoxlanılmasına dair sifariş alıb, həmçinin Venesuelanın Petroleos de Venezuela SA şirkəti üçün 115 kilometrlik boru kəmərinin çəkilməsi haqqında müqavilə bağlayıb.
Saipem şirkəti Romada yerləşən və 43 faiz iştirak mayı olan Eni SpA şirkəti tərəfindən idarə edilir.
