Azərbaycan, Bakı, 14 noyabr / Trend müxbirlər V.Şərifov, S.Əliyev/ Ruiyanın "Transneft" şirkəti Novorossiysk limanında boşaldılan Azərbaycan neftinin keyfiyyətinin qorunub saxlanmasına təminat verərsə, Azərbaycan Dövlət Neft Şirkəti (ARDNŞ) Bakı-Novorossiysk boru kəməri ilə axan neftin həcmini artıra bilər. Bunu ARDNŞ-in yüksək vəzifəli nümayəndəsi bildirib.
ARDNŞ Bakı-Novorossiysk boru kəmərinə keyfiyyətli Azərbaycan neftini doldurur. "Transneftin" Rusiya sistemində neft digər aşağı keyfiyyətli neft ilə qarışır və Novorossiysk limanında URALS kimi boşaldılır.
Burada söhbət Bakı-Novorossiysk boru kəməri ilə axan neftin həcminin beş milyon tonadək artırılmasından gedir. Hazırda, ARDNŞ bu boru kəməri ilə ildə bir milyon ton neft ötürür.
ARDNŞ-in nümayəndəsinin sözlərinə görə, şirkət Bakı-Novorossiysk boru kəməri ilə axan neftin həcmini "Azəri-Çıraq-Günəşli" yatağından hasil edilən Azəri Light markalı xammalın hesabına artıra bilər. Bu növ neft hazırda Bakı-Tbilisi-Ceyhan boru kəməri ilə axır və Ceyhan limanından keyfiyyətini itirmədən boşaldılır.
Məqalə müəllifi ilə əlaqə ünvanı: [email protected]
