Azərbaycan, Bakı, 17 noyabr / Trend , müxbir S.Əliyev/ Azərbaycan Gürcüstana qaz nəqli üçün infrastrukturun gücünü artıracaq, - bazar ertəsi hökumətdən bildiriblər. Qaz boru kəmərinin doldurulmasının gücünü artırmaq imkanlarını nəzərdən keçirmək SOCAR (Azərbaycan Dövlət Neft Şirkəti) qazının Gürcüstana nəqlini həyata keçirən "Azəriqaz" Qapalı Səhmdar Cəmiyyətinə tapşırılıb.
Gürcüstan hökumətilə SOCAR arasındakı müqavilə çərçivəsində hər gün bu boru kəmərilə 1,3 -1,5 mln. kubmetr qaz nəql olunur.
Nəql olunan qazın maksimal təzyiqinin 20 atmosferədək artırılması nəzərdə tutulub. Hazırda bu təzyiq 10 atmosferdir.
Ötən həftənin sonunda Azərbaycanla Gürcüstan arasında 2009 - cu ilin əvvəlindən, növbəti beş il ərzində gürcü qaz bazarında SOCAR-ın fəaliyyətinin artırılmasına imkan verən müqavilə imzalanıb. Memoranduma əsasən, SOCAR layihənin reallaşması üçün Gürcüstan hökumətinin müəyyən etdiyi qaz istehlakçıları qrupunu (sosial qrupların) təmin edəcək törəmə müəssisə yaradır.
Gürcü tərəfi beş il ərzində qeydə alınan qiymətlərlə Gürcüstanın Rusiyadan, Cənubi Qafqaz boru kəməri vasitəsilə Azərbaycandan və Azərbaycanın "Şahdəniz" yatağından aldığı kommersiya qazını SOCAR-ın törəmə müəssisəsinə satacaq.
Məqalə müəlliflə əlaqə ünvanı: [email protected]
