Azərbaycan, Bakı, 26 noyabr/ Trend / Kabeldüzən "Samir Quliyev" gəmisi SOCAR şirkətinin "Palçıq pilpilləsi" yatağına 12 km uzunluğunda elektrik kabeli çəkəcək, - SOCAR-ın çərşənbə günü yayılan məlumatında bildirilir.
Yeni xətt köhnə elektrik ötürücü xətlə birgə işləyəcək ki, bu da çətin yatağın keyfiyyətli elektrik enerjisi ilə təminatına yardım edəcək.
"Samir Quliyev" gəmisi SOCAR-ın balansında sualtı kabellərin çəkilməsi və təmiri ilə məşğul olan yeganə gəmidir.
"Palçıq pilpilləsi" yatağında işlər başa çatdıqdan sonra, gəmi eyni adlı yatağın "Günəşli - 2" və "Günəşli -13" platformaları arasında 4,5 kilometr uzunluğunda kabel çəkəcək.
